«هو اللي خلاك تمشي؟».. سيد عبد الحفيظ يرد على خلافه مع حسام غالي

رد سيد عبد الحفيظ، مدير الكرة السابق في النادي الأهلي، بشأن تسبب حسام غالي، عضو مجلس الإدارة الحالي في رحيل الأول عن منصبه.

وقال سيد عبد الحفيظ في تصريحات عبر قناة «إم بي سي مصر 1»: «حسام غالي خلاك تمشي؟ هو عضو في النادي ولجنة التخطيط وله الحق في مناقشة أي حاجة لها علاقة بالكرة مع لجنة التخطيط».

وأضاف: «الهيكل التنظيمي في النادي الأهلي كل واحد له مسؤولياته من غير ما تزعل من حد، مجلس الإدارة بيفوض كابتن محمود الخطيب، وبعدها في لجنة التخطيط بيناقشوا كل حاجة سيد يقعد سيد يمشي».

وأكمل: «أنا عن شخصي معنديش خلافات، ساعات بكون مُصر على رأيي اللي أنا شايفه، أنا اللي هتحاسب، لكن في جهة أعلى لو في رأي عندي أنا أقوله هقول رأيي، ده المبدأ اللي عندي، لكن لو طلع قرار هقف مع النادي».