«لا تجاوز ولا قلع».. شوبير يفتح النار على منتقدي إمام عاشور

فتح الإعلامي أحمد شوبير النار على منتقدي إمام عاشور، لاعب الأهلي، بعد احتفاله المثير أمام سموحة، خلال مباراة الدوري.

واحتفل إمام عاشور بـ «البلونة البيضاء»، عقب تسجيله ثاني أهداف الأهلي بمرمى سموحة، ما أثار جدلًا كبيرًا عبر وسائل التواصل الاجتماعي، خلال اللقاء الذي انتهى بفوز الأحمر (2-0).

وقال شوبير عبر قناة «الأهلي»: «اللي أنا شوفته لا عيب ولا حرام دي بلونة كنا زمان بنقول نفيخة. ولا بيتجاوز لحد ولا قلع لحد حاجة».

وأضاف: «هو مسجل في سموحة وأفريقيا والكونتنينتال وأهداف حاسمة. اللي مش هيقول عليه الأفضل في مصر على الأقل ظالم، حاطط بلونه في الشراب ما يحطها».

وأكمل: «ايه نوع الخروح عن النص اللي عمله؟ إيه الغلط؟، وبعدين ركز في الملعب إيه؟ هو حسن واحد وتم اختياره أفضل لاعب في المباراة، إيه المطلوب؟ ملهاش علاقة بيضاء ولا حمراء».