«حالته صعبة جدًا».. أحمد حسن يكشف رد فعل الخطيب بعد خسارة الأهلي من باتشوكا

كشف أحمد حسن، نجم الأهلي السابق، عن ردود الأفعال المخيبة التي صاحبت خسارة الفريق أمام باتشوكا، بكأس التحدي.

وخسر الأهلي من باتشوكا بركلات الترجيح، بنتيجة (6-5) بعد انتهاء الوقت الأصلي والشوطين الإضافيين بالتعادل السلبي.

وقال أحمد حسن: «كان في حالة حزن من كل أعضاء مجلس إدارة النادي الأهلي بعد نهاية المباراة والكابتن محمود الخطيب في حالة صعبة جدًا جدًا وكذلك خالد مرتجي، لأنهم حاسين إن الماتش بتاعنا وكان في المتناول».

وأكمل في تصريحات عبر قناة «أون تايم سبورتس 1»: «الناس زعلانة إن الماتش ده كان يخلص من بدري، والفريق مش صعب اللي كان ضدنا».

وتابع: «لو بتكلم فنيًا فـ مارسيل كولر عنده أخطاء فنية، لازم نقف عندها، وسام أبوعلى هو المهاجم الوحيد اللي موجود، مينفعش يخرج من الملعب، حتى لو عايز يغير وسام ويكون بيرسي تاو موجود، فيلاعب طاهر في الهجوم».