«جايب لاعيبة تبوظ أوضة اللبس».. كريم حسن شحاتة يفتح النار على الأهلي بسبب إمام وكهربا

انتقد الإعلامي كريم حسن شحاتة، تعاقد النادي الأهلي مع إمام عاشور ومحمود عبدالمنعم كهربا، ثنائي الزمالك السابق.

وقال الإعلامي كريم حسن شحاتة، خلال تصريحات فضائية عبر شاشة «الحياة»: «بعض اللاعيبة في الأهلي بتقول ليه كهربا وإمام مش بيتم عقابهم، ولما بيتعاقبوا الدنيا بتمشي بعدها عادي، وفي لاعيبة بدأت تحس إن في أسماء معينة فوق العقاب».

وتابع: «الأهلي عنده مشكلة مع كهربا وإمام. الأهلي مش قادر يعاقبهم علشان هما كانوا في الزمالك وكان عليهم علامات استفهام وقت انضمامهم للأهلي».

وواصل: «الأهلي مش عاوز يدي فرصة لحد يقول (شوفتوا! آدي كهربا وإمام اللي اتعاقدتوا معاهم)».

وأكد: «الأهلي محرج ومش عاوز يبين إن التعاقد مع إمام وكهربا كان غلط، أو يأكد إنه جايب لاعيبة بتبوظ أوضة اللبس».