«تعبني نفسيًا قولتله مش مكمل».. عمرو جمال يكشف كواليس رحيله عن الأهلي

كشف عمرو جمال، لاعب حرس الحدود الحالي، والأهلي السابق، كواليس رحيله عن القلعة الحمراء، خلال تواجد حسام البدري في القيادة الفنية.

وقال عمرو جمال في تصريحات تليفزيونية: «الكابتن حسام البدري كان بيحبني بس أنا مش عارف الحب ده كان عامل إزاي، أنا كنت بلعب ولسه جايب كأس مصر للأهلي، ومصدعه في أفريقيا ومسجل هدفين في القطن الكاميروني».

وأضاف: «الكابتن حسام البدري قالي وقتها مش هتمشي، قولتله مش قادر ألعب معاك يا كابتن حسام، أنت وصلتني لمرحلة نفسية صعبة، وبقيت مش عارف أنا مهم ولا لا، وقولتله أنت تعبتني نفسيا يا كابتن، وهو بيقولي أنا بحبك، قولتلي إزاي طيب ايه اللي يثبت؟».

وأتم: «الكابتن حسام البدري يبقى مدرب كبير، بس أنا بحكي تجربتي، يمكن هو ده أسلوبه، ودي طريقته مع المهاجمين، عشان ياخد منهم أفضل حاجة، بس أنا كنت نفسيا بدأت أتأثر، فقررت مغادرة الأهلي، عشان أعود بعدها بطريقة أفضل».