تحدث إسماعيل يوسف، نجم الزمالك السابق، عن مستوى الزمالك مع المدير الفني البرتغالي جوزيه جوميز، والصفقات التي يحتاجها الفارس الأبيض.
وقال يوسف في تصريحات تليفزيونية عبر شاشة «إم بي سي مصر 2»: «الاختيار الفني لصفقات الزمالك لازم يكون مسؤولية الجهاز الفني وجوميز ومشارك بنسبة 70 أو 80 %».
وأضاف: «مينفعش عشان هيتقفل القيد أجيب 10 أو 12 لعيب بغض النظر هم هيصلحوا للزمالك أو لأ، وجوميز عامل شغل كويس أوي مع الزمالك في ظل القائمة المتواجدة من اللاعبين».
وأكمل نجم الزمالك السابق: «أنا شايف أن سكواد نادي الزمالك مش وحش أوي، عنده ما يبنى عليه في 5 أو 6 لعيبة على مستوى عالي أوي يقدروا يتبني عليه والأمور هتمشي كويس».
وأردف: «اختيار الصفقات لازم المدير الفني يشارك فيه بشكل كبير، بالتأكيد لجنة الكورة بتشارك برأيها والقرار في الأول والأخير بتبقى لـ جوميز».
وزاد: «مينفعش الراجل بقاله أكتر من عدة شهر بيقول عايز إيجاريا وميجيش، والمسؤولية كانت هتبقى على جوميز أنه يجهزه، وبنى الفرقة مش مظبوط في أماكن فيها 6 و7 لعيبه وأماكن مفيهاش».
وأتم إسماعيل يوسف حديثه قائلًا: «الزمالك محتاج 4 أو 5 أماكن ضروري عشان يقدر يستمر في التنافس بجميع البطولات، والزمالك بيلعب وبينافس بشكل كويس في بطولات المباراة الواحدة ولكن مش هيقدر يستمر في البطولات الطويلة».
يذكر أن هذه الموضوع «بنى الفرقة مش مظبوط».. رسائل نارية من إسماعيل يوسف لـ مجلس الزمالك بشأن الصفقات قد تم نشرة علي موقع المصري اليوم وقد قام فريق التحرير في كورة جول بالتاكد منه وربما تم التعديل علية وربما قد يكون تم نقله بالكامل او الاقتباس منه ويمكنك قراءة ومتابعة مستجدادت هذا الخبر او الموضوع من مصدره الاساسي.
المصري اليوم