بسبب تصريح زملكاوي.. أحمد فتحي يعتذر على الهواء لـ إسلام الشاطر (فيديو)

أوضح أحمد فتحي نجم النادي الأهلي السابق، المقصود من تصريحاته الأخيرة، بأن إسلام الشاطر ومحمد بركات نجوم الأهلي السابقين «زملكاوية».

وكان أحمد فتحي صرح مؤخرًا في لقاء تليفزيوني بأن «هناك لاعبين في الأهلي ينتمون لنادي الزمالك، إسلام الشاطر، ومحمد بركات كانوا زملكاوية منذ وجودهم مع الإسماعيلي وانضما للأهلي».

وقال أحمد فتحي في تصريح تليفزيوني عبر شاشة «أون تايم سبورتس 2»: «مكنش قصدي أزعل بركات والشاطر مني، بس يمكن بركات عشان عارفني ففهم قصدي ولكن إسلام الشاطر اللي زعل مني».

وأردف: «محمد بركات وإسلام الشاطر كانو بيكسروا الدنيا قدام الزمالك وبيلعبوا بكل قوة، بس اللي اعرفه أنهم كانوا زملكاوية».

وأضاف: «كنت هكلمهم اعتذر وأقولهم اني مش قصدي، ولكن لما طلعوا اتكلموا ونزلت تصريحات ليهم قولت خلاص، بس عشان كابتن إسلام الشاطر اللي شكله زعلان فبقوله متزعلش».