تغنى الإعلامي خالد الغندور، بـ نجم النادي الأهلي وسام أبو علي، بعد الأداء المتميز الذي يقدمه مع المارد الأحمر في مختلف البطولات، وآخرها تسجيل هاتريك في فريق شباب بلوزداد الجزائري في دوري أبطال إفريقيا.
وقال الغندور في تصريحات إذاعية عبر «أون سبورتس إف إم»: «وسام أبو علي في حته تانية لوحده، ولعيب مش بياخد فلوس كتيرة يمكن في 10 لاعبين أو أكتر في النادي الأهلي بياخدوا أكتر منه، وعشان كدة لما جاله عروض ألمانية بدأ يبصلها وعشان كدة النادي الأهلي بيدرس تعديل عقده».
وأضاف: «بالأداء اللي بنشوفه من أبو علي، سعره لا يقل عن 15 مليون دولار لو الأهلي فكر يبيعه، لعيب بيخلص الماتشات، وسجل اتنين هاتريك في سيراميكا وشباب بلوزداد».
وأكمل الغندور: «وسام أبو علي كان بيلعب مع فريق هواه بعدين راح فريق في منتصف الجدول في الدوري السويدي ولم يكن معروف نهائيًا، وبعدها راح الدوري الدنماركي بردو فريق متوسط».
وأردف: «لك أن تتخيل اللي رشح وسام أبو علي، أحد مشجعي النادي الأهلي واسمه أحمد حسن الغنيمي، ورشحه لـ إدارة الاسكاوتنج في المارد الأحمر وقالهم لاعب فلسطيني مش هيتحسب أجنبي».
وأتم الغندور تصريحاته قائلًا: «المشجع الأهلاوي ده والله لازم يتكرم عشان جاب لعيب زي ده للنادي الأهلي، وساهم في حصول الفريق على بطولات عديدة».
يذكر أن هذه الموضوع الغندور يفجر مفاجأة بشأن مكتشف وسام أبو علي.. سعره الحالي 15 مليون دولار (فيديو) قد تم نشرة علي موقع المصري اليوم وقد قام فريق التحرير في كورة جول بالتاكد منه وربما تم التعديل علية وربما قد يكون تم نقله بالكامل او الاقتباس منه ويمكنك قراءة ومتابعة مستجدادت هذا الخبر او الموضوع من مصدره الاساسي.
المصري اليوم