وجه الإعلامي أحمد شوبير حارس مرمى الأهلي ومنتخب مصر السابق، رسالة مهمة للاعبي الفريق الكروي الأول بالنادي الأهلي في ظل كثرة الإصابات التي يتعرض لها عناصر الفريق في الفترة الأخيرة.
وقال أحمد شوبير في تصريحات عبر شاشة قناة الأهلي: «خلاص مبقاش فيه أجنحة في الأهلي بعد إصابة رضا سليم وطاهر محمد طاهر ومن قبلهم محمد عبدالله إلا بيرسي تاو وحسين الشحات، وطاهر لسه قدامه شوية ورضا خد عندك 3 شهور».
وأوضح شوبير: «أنا بقول الكلام ده ليه عشان كل لاعيب مقموص زعلان مضايق غضبان عشان مش بيلعب بقول له الفرصة هتجي لك هتجي لك في ظل إن كل دي لاعيبة مصابة، وبعدين كل اللاعبين في الأهلي من وسام أبوعلي لمصطفى شوبير اتصابوا والشناوي وياسر إبراهيم وأكرم توفيق وغيرهم، وحتى عمرو السولية الماتش اللي فات كمان اتصاب».
وتابع حارس الأهلي السابق: «إصابات كثيرة جدا بتحصل وقس على كده من كام سنة فاللاعيبة مش مكن وكولر بيديهم اجازة يوم واحد بعد المباريات وفقا لمدرب الأحمال اللي معاه، لإن فيه ضغوط كبيرة جدا على اللاعبين وعشان كده الجهاز الفني ما بيصدق يديهم أجازة».
وأضاف شوبير: «فأنت كلاعب ما تشغلش بالك وتقول لاعبني ومش عارف ايه اشغل بالك إنك تبقى كويس في الملعب بيعجبني جدا أفشة لما بينزل بيموت نفسه حتى لو 5 دقائق».
واختتم شوبير: «ركز وارمي حمولك على الله هتلاقي نفسك في الملعب في أي وقت وشوفنا مصطفى شوبير بيلعب ماتش نهائي أفريقيا قدام الوداد المغربي وكان على قد المستوى والرهان في التحدي الصعب ده، وعشان كده جماهير الأهلي حبته ونجح ووصل لمنتخب مصر الأول وشارك مع المنتخب كمان».
يذكر أن هذه الموضوع «ارمي حمولك على الله».. شوبير يوجه رسالة للاعبي الأهلي «المقموصين» قد تم نشرة علي موقع المصري اليوم وقد قام فريق التحرير في كورة جول بالتاكد منه وربما تم التعديل علية وربما قد يكون تم نقله بالكامل او الاقتباس منه ويمكنك قراءة ومتابعة مستجدادت هذا الخبر او الموضوع من مصدره الاساسي.
المصري اليوم