تحدث إيهاب المصري، نجم فريق المصري البورسعيدي السابق، عن أزمة تجديد أحمد سيد زيزو نجم الزمالك مع الفارس الأبيض، مشيرًا إلى هناك لاعب أهم منه ولازم وضعه في الفريق.
وقال إيهاب المصري في حوار خاص لـ«المصري اليوم»: «أزمة التجديد مع زيزو! مفيش نادي بييقف على لعيب، حتى لو زيزو لاعب مهم جدًا في نادي القلعة البيضاء ولكن الزمالك مش هيقفل بعده، وفي رأيي عبدالله السعيد أهم منه».
وأضاف: «عبدالله السعيد لعيب كبير جدًا، وثابت على نفس المستوى في الإسماعيلي والأهلي وبيراميدز، ودلوقتي الزمالك، وبيصنع الفارق بشكل كبير جدًا».
وأكمل المصري: «زيزو واضح أنه مشتت وعقله مش مع نادي الزمالك دلوقتي، المبلغ مبالغ فيه بشكل كبير جدًا، ونادي الزمالك في أشد الحاجة للفلوس في الوقت الحالي».
وأردف: «محدش يقول إن زيزو لو أخد الرقم اللي طالبه ده مش هيعمل مشاكل في أوضه اللبس، لأ طبعا بالتأكيد هيكون في مشاكل واللعيبة هتبدأ تتكلم».
وزاد نجم المصري البورسعيدي السابق: «جمهور الزمالك بدء يضايق بسبب أزمة تجديد زيزو مع الفارس الأبيض، ولكن الكورة مش بتقف على لاعب، جيل الأحلام في الزمالك بطل واعتزل، والدنيا مشيت».
وشدد إيهاب المصري على أن زيزو قيمة كبيرة جدًا، ولو هيتم التجديد يكون بمبلغ يعقل شوية مش مبالغ فيه، ولو مش هيجدد يتم إقناعه بالتجديد ثم بيعه أو إعارته لو مش ناوي يكمل مع الزمالك.
وأتم إيهاب المصري تصريحاته قائلًا: «نادي الزمالك محتاج لعيبه على اللعيبة اللي موجودة، محتاج تدعيمات كبيرة جدًا، ولازم يتم النظر في باقي عقود اللاعبين اللي بتخلص وممكن يمشوا مجانًا».
يذكر أن هذه الموضوع إيهاب المصري: الزمالك مش هيقفل بعد زيزو.. وعبدالله السعيد أهم منه (خاص) قد تم نشرة علي موقع المصري اليوم وقد قام فريق التحرير في كورة جول بالتاكد منه وربما تم التعديل علية وربما قد يكون تم نقله بالكامل او الاقتباس منه ويمكنك قراءة ومتابعة مستجدادت هذا الخبر او الموضوع من مصدره الاساسي.
المصري اليوم